“Christian Dior” загварын ордныг насанд хүрээгүй хүүхдийг ашиглан, хөдөлмөрийг нь шулж мөлждөг гэж буруутгаж байна. Тус загварын ордон 14 настай София Мечетнерийг өөрийн топ модель болгосон талаар манай сайт өмнө мэдээлсэн http://mnews.mn/news/192/single/24897
Ялангуяа өсвөр насны охин анх удаа Парисын загварын үзүүлбэрт оролцохдоо бие нэвт гэрэлтсэн, нимгэн хувцас өмссөн нь ийнхүү шуугиан тарьжээ. Загвар өмсөгч асан Сандра Ховард энэ талаар “Би түүнийг тайзан дээр анх хармагцаа өөрийн охидыг ийм байдалд оруулахыг хүсэхгүй гэдгээ ойлгосон. Өсвөр насны охид маш эмзэг, тэд хүүхдээрээ байгаа учраас өөрийгөө яаж хамгаалах, хэнд итгэхээ ч мэдэхгүй. Гэтэл эрчүүдийн бодолд ганцхан юм байдаг” гэж мэдэгдлээ.
Английн депутат Кэролайн Нок “Эмэгтэй хүний стандарт бус гоо үзэсгэлэнтэй тэмцэж байгаа өнөө үед 14-тэй хүүхдийг тайзан дээр гаргах нь буруу, тэр тусмаа ийм хувцастай. Үе тэнгийнхэн нь дуурайвал яана. Загварын ертөнц ийнхүү өсвөр настнуудыг шулж мөлжиж байгааг бид эсэргүүцэж, тэднийг хамгаалах ёстой” гэж хэлсэн байна.
Харин загварын ертөнцийн өөр нэг төлөөлөгч Дунья Кнезевич “14-тэй хүүхдүүдэд энэ ажил арай хүндэднэ. Тэднийг өөрийн дураар удирдахаас гадна хямд үнэлдэг. Тэгээд ч өсвөр насны охидын бие бялдрын хөгжил дутуу байгаа. Загвар өмсөгчийн ажил үнэндээ бие махбодь болон сэтгэл санаанд сөргөөр нөлөөлдөгийг би өөрийн биеэр туулж үзсэн” хэмээжээ.
www.mnews.mn
