“Реал Мадрид”-ын од К.Роналду Ballon d’Or-ийн 5 удаагийн эзэн Л.Meсси-тэй илүү сайн харилцаатай болж байгаагаа хэлжээ. Тэрбээр Цюрихт болсон ёслолын ажиллагааны үеэр “Месси надад өртэй болсон” хэмээн хошигносон байна.
Роналду сэтгүүлчдэд хэлэхдээ:
“Бид илүү ойртож байгаа, бид сайн харилцаатай байдагтаа үргэлж баяртай байдаг ч сүүлийн хэдэн жил бид илүү дотно нөхөрлөж байгаа.”
“Бид Ballon d’Or-ийн тайзан дээр байхад би Meсси болон Нэймар нарын орчуулагчаар ажилласан. Дараа нь би тэдэнд орчуулгын төлбөрийг минь дараа төлөхөө мартаж болохгүй шүү” гэж хэлсэн.
