Гэрийн нөхцөлд үсээ гоё торгомсог, зөөлөн болгож, хурдан ургуулах 3 аргыг санал болгож байна. Энэ зорилгоор жирийн тараг ашиглаарай, яагаад гэвэл тарагтай маск үсийг гялалзуулж, өтгөрүүлдэг. Учир нь тарганд В, Е бүлгийн витамин бас протеин, ашигтай био бодис агуулагддаг.
Таргаар маск тавих нь түүнчлэн үсийг эмчлэх, бэхжүүлэх, хурдан ургахад тустай. Харин таргаар ингэж арчлахад үс өвөрмөц үнэртэй болдог тул маскандаа хоёр дусал эфирийн тос хийх хэрэгтэй. Эсвэл үсээ зайлах усандаа нимбэгийн шүүс нэмээрэй.
Үс өтгөрүүлэх маск
Таргаа жаахан бүлээсгээд хуурай үсэнд сайн түрхэнэ, ялангуяа үсний уганд илүү их анхаарал хандуул. Маскаа илүү сайн шингээхийн тулд хуйхандаа иллэг хий, энэ нь цусны эргэлтийг сайжруулдаг. Одоо толгойгоо гялгар уутаар ороож, алчуураар бооно. Маскийг 30-40 минут байлгах хэрэгтэй. Дараа нь бүлээн усаар зайлж, шампуниар угаана. Энэ маскийг долоо хоногт 1-2 удаа тавьж болно.
Үс хурдан ургуулах маск
Өтгөн, сайхан үстэй болоход таргаас гадна талхны хөрөнгө хэрэгтэй. Ийм маск нь үсний хагийг арилгаж, бэхжүүлдэг. Тал стакан тараг, 20 грамм дрожж буюу хөрөнгө, 1 хоолны халбага зөгийн бал, 1 ширхэг өндөгний шар бэлдээрэй. Илүү үр дүнд хүрэхийн тулд 1 ширхэг алоэгийн экстракт тариа, 1 ширхэг никотины хүчлийн (үс ургуулахад тустай В бүлгийн витамин) тариа нэмж болно. Тоочсон бүх бүтээгдэхүүнийг хольж үсэндээ түрхэнэ. Энэ маскийг 1 цаг байлгах ёстой.
Тарагтай, чийгшүүлэгч маск
0,5 стакан тараг, 1 ширхэг өндөгний шар, 1 хоолны халбага ургамлын тос (оливын эсвэл кокосын тос, авокадо, касторовое масло гээд дурын тосыг сонгоорой) бэлдэнэ. Энэ бүхнийг хооронд нь хольж үсэндээ түрхэнэ. Маскаа 1 цаг байлгасны дараа жирийн шампуниар угаагаарай. Дээр өгүүлсэнчлэн энэ маскийг түрхэхдээ үсний уганд илүү их анхаарах ёстой. Бас хуйхандаа массаж хийхийг бүү март. Энэ маскийг 7 хоногт 1 удаа тавьж болно.
wwww.mnews.mn