Адриана Лимаг нийгмийн сүлжээнд дагагчид загвар өмсөгч бүсгүйг ямар их хүч хөдөлмөрөөр гоо сайхан биеэ хадгалж чаддагийг нь сайн мэднэ. 35 настай бразил бүсгүй Victoria’s Secret брэндтэй бараг 20 жил хамтран ажиллаж байгаа. Тэртээ 1999 онд л VS-ийн сахиусан тэнгэр анх болж байсан аж. Тийм ч учраас Адрианаг энэхүү брэндийн хамгийн үнэ цэнэтэй сахиусан тэнгэрээр шалгаруулахад хэн ч гайхаагүй гэнэ.
Нийгмийн сүлжээнд мониторинг хийдэг D’Marie компани загвар өмсөгчдийг борлуулалтанд шууд нөлөөлөх чадвар болон олны таашаалд нийцсэн зар сурталчилгааны кампанит ажил зэрэг нийт 24 шалгуураар Victoria’s Secret-ийн сахиусан тэнгэрүүдийн чансааг тогтоожээ.
Тэргүүн байрт бразил загвар өмсөгч Адриана Лима заларсан байна. Хоёрдугаарт, бас л Бразилийн алдарт загвар өмсөгч Алессандра Амбросио орсон бол гуравдугаар байрыг 20 настай Тэйлор Хилл эзэлсэн байна.
Дөрөвт 23 настай Жозефин Скривер жагссан бол айргийн тавд 31-тэй Лили Олдриж оржээ.
Эх сурвалж www.wikimon.mn