Намар намрын Улаанбаатар хотын хошин шогийн шоуны нээлтийг “Шинэ үе” продакшн эхлүүлдгээрээ эхлүүлж, шимтэн үздэг ардууд үзэж эхлээд байна. Монголын хошин урлагийн хөгжилд шинэчлэл хийж, байнга шинийг эрэлхийлж байдаг “Шинэ үе” продакшны захирал Н.Ариунболд сүүлийн үед бүтээсэн кино, жүжиг, шоуныхаа PR-ын дууны шүлгийг алдартай яруу найрагч, дууны шүлгийн мастеруудыг гуйлгүй өөрөө бичих болжээ.
Дууных нь шүлгүүд ерөнхийдөө нэг сонсоход боломжийн хэмжээнд ч гэсэн дотроо логикийн том том алдаануудтай байдгийг мэргэжлийн хүмүүс мэддэг хэдий ч түүний эхлэн бичиж буй хөөрлийг унтраагаад яахав хэмээн бодож, мөрийг нь алгадан “Болж байна, болж байна” хэмээн морийг нь унуулсанд тэрбээр хүүхэд шиг баярлаж явна. Дууны шүлгийн төрөлд өөрийгөө хаалга тогшилгүй орж ирлээ хэмээн баярлаж, бахдаж яваа Бооёо сүүлийн үед юм л бол албан бичиг ч бай бүх л зүйлийг шүлэглэдэг өвчтэй болчихсон гэнэ.
Г.Амар /www.wikimon.mn/