Харри, Меган нарын өгсөн дуулиант ярилцлага Их Британийн хатан хааны гэр бүлийнхэнд асуудал үүсгэсэн бололтой.
Харри, Меган Маркл нар Букингемийн ордныг арьс өнгөөр ялгаварлан гадуурхах үзэлд буруутгасан билээ. Тэгвэл Их Британийн ханхүү Уильямыг арьс өнгөний үзлийн тухай ярианаас илүү бухимдуулсан зүйл нь Сассексийн гүнгийн авхай Меган Марклын Кейт Миддлтоны талаар хэлсэн үг гэнэ.
The Sun-д мэдээлснээр Меган Маркл “Кембрижийн гүнгийн авхай Кейт Миддлтон хуримын яг өмнө намайг уйлуулж байсан. Гэхдээ дараа нь би түүний үйлдлийг буруу ойлгосноо мэдсэн” гэж хэлжээ.
Уильям Меганы Кейтэд хандсан хандлагатай эвлэрч чадахгүй байгаа гэнэ. Кейт түүнд туслахыг хүссэнийг Меган буруу ойлгосон, тэр Кейтийг хариу хэлж чадахгүйг мэдэж байгаа учраас таагүй хандлага гаргасан гэж Уильям үзэж байгаа аж. Ханхүү үүнийг шударга бус зүйл гэжээ.