Өнгөрсөн 4 дүгээр сард алдарт дуучин, жүжигчин Женнифер Лопез, болон мэргэжлийн бэйсболлын лигийн тоглогч байсан Алекс Родригез нар салалтаа олон нийтэд зарласан билээ. “Бид найзуудаараа үлдсэн нь дээр, үргэлж хамтран ажиллаж бие биенийгээ бүх талаараа дэмжинэ” гэдгээ хамтдаа илэрхийлэн мэдэгдэл хийж байсан. Энэ явдлаас хойш А.Родригез хэвлэлийнхэнтэй анх удаа ярилцаж “Би өнгөрсөн 5 жилийн хугацаанд маш сайхан амьдрал, хамтрагч болон, хүүхдүүдтэй болсон. Маш үнэтэй сургамжуудыг авч, суралцсан зүйлсээ ашиглан дараагийн 5 жилийг хэрхэн бүүр сайхан өнгөрөөх вэ гэдэг талаар бодож байгаа” хэмээн өөрийгөө илэрхийлсэн аж.
Харин Ж.Лопэзийн хувьд экс болох Бен Аффлектай буцаж нийлсэн бөгөөд А.Родригезийг инстаграм хуудсаараа дагахаа больж хамт авахуулсан бүх зургаа устгажээ. Энэ нь экстэйгээ буцаж нийлээд маш ноцтой харилцаанд орсны илрэл байж болох юм. Ж.Лопез болон Б. Аффлек нарын 2004 онд салах болсон шалтгаан ард хоцорсон, зөвхөн ирээдүйнхээ талаар бодож байгаа гэж онцолжээ.
Эх Сурвалж: Yahoo! Entertainment