НЭГ. Танд гэрэл муутай өрөөнд сонин уншиж, хурц гэрэлтэйд зурагт үзэхэд тийм ч тааламжтай биш санагддаг уу? Мэдээж энэ хэнд ч сайхан санагдахгүй нь лавтай. Тиймээс зочны өрөөнийхөө нарны гэрэл болон сүүдрийг зөв зохицуулах хэрэгтэй. Ингэснээр танай ерөөний сайн муу энерги тэнцвэржинэ.
ХОЁР. Өрөөний тавилга нь нүсэр бус, илүү дутуу зүйлгүй, бодит амьдралд нийцсэн байвал зохистой. Та саруул, цэлгэр, сэтгэл уужрахаар тавилгаа байрлуулаарай.
ГУРАВ. Нүд чилэх, мэдрэл ядраахаар хурц, өнгөний зохилдолгоогүй эрээн хээтэй хивс болон хөшиг бүү тавиарай. Энэ нь таныг тайван сайхан амраахаасаа илүү ухаан санааг тань тогтворгүй болгож орхино.
ДӨРӨВ. Зочны өрөөнд гэр бүлийн янз бүрийн жаазтай зурагнууд байх нь элбэг байдаг. Энэ нь дэмий зүйл бөгөөд үүний оронд гэр бүлийн ганцхан зургийг гоёмсог жаазанд хийн, гэрийнхээ аз жаргалын булан болох зүүн ханандаа өлгөвөл тохиромжтой.
ТАВ. Өрөөний доторх буйдан сандлууд өөд өөдөөсөө харсан эсэхийг ажигла. Энэ нь эрүүл бус харьцаа болон сөргөлдөөнийг буй болгодог.
ЗУРГАА. Буйдан ороо цулгуй хананы өмнө болон хаалганыхаа эсрэг талд байрлуулвал сайн.
ДОЛОО. Хурц эрмэгтэй зүйл, янз бүрийн булан тохой тань руу чиглэсэн эсэхийг шалга. Ялангуяа таныг сууж байх үед өөр рүү тань чиглэсэн ийм өнцөг ажлын амжилт, азийн тэнгэр, сайн сайханд муу нөлөөтэй.
НАЙМ. Өрөөндөө том навчит цэцэг тавь. Энэ нь өрөөг чимэхээс гадна агаарыг цэвэршүүлдэг.
ЕС. Эцэст нь цэвэр цэмцгэр зөв байрлалтай өрөөнд л энергийн урсгал зөв саадгүй эргэлдэнэ гэдгийг санаарай.