Олон улсын жүдо бөхийн холбоо (IJF)-ны Гран при тэмцээн өчигдөр АНЭУ-ын нийслэл Абу-Дабид эхэллээ. Нийт 150 мянган ам.долларын шагналын сантай тэмцээнд 35 орны 236 жүдоч хүч үзэж байна. Манай улсаас Эмиратын татамид эрэгтэй 66 кг-ын Б.Батгэрэл, Д.Алтансүх, эмэгтэйчүүдийн 48 кг-д жүдо бөхийн анхны эмэгтэй дэлхийн аварга М.Уранцэцэг, 52 кг-д ДАШТ-ий хүрэл медальт, гавьяат тамирчин М.Бундмаа, 63 кг-д ОУХМ Ц.Цэрэннадмид, Б.Мөнгөнчимэг, +78 кг-д О.Жавзмаа нар үндэсний шигшээ багийн дасгалжуулагч, гавьяат тамирчин Х.Эрдэнэт-Од удирдага дор хүч үзэж байгаа юм. Өчигдөр манай зургаан цагаан өмсгөлтөн зодоглосноос 48 кг-ын жинд дэлхийн аварга М.Уранцэцэг хүрэл медаль хүртэв. Түүнчлэн эхний өдөр эрэгтэйчүүдийн 66 кг-д ОУХМ Д.Алтансүх, эмэгтэйчүүдийн 63 кг-д Б.Мөнгөнчимэг нар хүрэл медалийн төлөөх барилдаанд ялагдаж, тавдугаар байрт оржээ. Өнөөдөр хүнд жингийн барилдаан болох бөгөөд +78 кг-д О.Жавзмаа зодоглоно. Эмиратын Гран пригийн эхний өдөр “Лондон-2012” олимпийн аварга Арсен Галстян, Мансур Исаев тэргүүтэй Оросын жүдочид гурван алт, хоёр мөнгөн медаль хүртээд байна.
Дэлхийн аварга М.Уранцэцэг Эмиратаас хүрэл медаль хүртэв
Leave a Reply
Их уншсан
ХААН Банкны нэрэмжит тэтгэлэг хүртсэн оюутнуудыг хүлээн авч уулзлаа
ХААН Банкны тогтвортой хөгжлийн бодлого, компанийн нийгмийн хариуцлагыг хэрэгжүүлэгч ХААН Банк сангаас Тогтвортой хөгжлийн 4-р зорилго болох “Чанартай боловсролыг дэмжих”...
Цааш унших
Санал болгож байна
