Зөгийн балаар арьсаа арчлах жорыг та бүхэнтэй хуваалцаж байна. Зөгийн бал нь байгалийн гаралтай арьс арчлах шилдэг бүтээгдэхүүн гэдэгт итгээрэй. Зөгийн бал нь нүүрний гайхалтай цэвэрлэгч бөгөөд арьсны бохирдлыг цэвэрлэж үрэвслийг дардаг.
Зөгийн балны маск. Энэ маскыг бэлтгэхэд тун энгийн.
-Найрлага:
3 хоолны халбага зөгийн бал
3 хоолны халбага сүү
-Бэлтгэсэн хоёр зүйлээ хооронд хольж хутгаад нүүрэндээ зузаан түрхэнэ. 10-15 минут болоод бүлээн усаар угаана. Тун амархан.
Зөгийн бал глицерины маск
-Найрлага:
1 цайны халбага глицерин эсвэл 3 цайны халбага архи
1 цайны халбага зөгийн бал
2 цайны халбага буцалгаж цэвэршүүлсэн ус
1 цайны халбага улаан буудайн гурил
-Бэлтгэх:
Бүх орцыг нийлүүлж нүүрэндээ нимгэн түрхэнэ. 20-25 минут байлгасны дараа угаана. Энэ маскыг 7 хоногт 2 удаа тавибал зохино. Үүнийг хуурай болон хэвийн арьсанд хэрэглэхийг зөвлөе.
Тослог арьсанд зориулсан зөгийн бал яншуйн маск
-Найрлага:
4 цайны халбага зөгийн бал
Аяганы 1/4 хэмжээтэй хэрчсэн яншуй.
-Бэлтгэсэн хоёр зүйлийг хольж нүүрэндээ түрхэнэ. 20 минутын дараа угаана. Энэ жор нь нэг удаа хэрэглэснээр үр дүгээ сайн өгдөг.