Нулимс гашуун, урссаар л амт нь урууланд мэдрэгдэж арчихыг хүссэнгүй ээ
Цонхны цаана бороо шиврээд чиний хэлсэн ганцхан үг цээжийг өвтгөж даагдахгүй болтол хөндүүрлэнэ
Хэзээ ирэхийг чинь одоо би мэдэхгүй ,.. хэтэрхий бардам явсандаа өөрийгөө ч бас буруутгахгүй
Нэг л өдөр чи хүнийх болоод,..нимгэн цамцтай сэтгэл буруулж надаас холдон одно гэж сансангүй явлаа…
Хайр ийм хэврэг гэж үү, хагацал заавал байх ёстой юу..
Анх чи надад шунан дурлаж, ангаахай дэгдээхэйгээ эрхлүүлэх мэт аль байдгаараа дасган нэгтгэсэн
Амьдралыг би одоо чамгүйгээр яаж төсөөлөж, аз жаргал өөд хэрхэн дэвэх вэ…
Баяр бүхнийг би ганцаараа тэмдэглэж,.бачууралгүй итгэлтэйгээр ирээдүйг яаж туулах вэ
Хослон ижилсэх залуусыг хараад сэтгэл минь урагдана,..холбоотой явсан үеээ
сангалзан сангалзан бэдрэнэ
Хорвоо дэлхий дээр шархийг минь эдгээх тийм хүчтэй хайр одоо бий гэж үү , хоосортлоо урагдсан зүрх эргэж нөхөгдөх үү, .. яг анхных шигээ
Хариулаач хайрт минь,…хамгийн гэгээн бүхнээ чамд би өгсөн
Халуун залуу насныхаа алдааг олж харахсан…хаана би андуурсаныг чи минь хэлж өгнө үү
Царайны чинь сайханд хүлэгдэн, гоё үгэнд чинь хууртсан цайлган гэнэн мөч бүрийн зааг дээр үү..
Чамд итгээд ижий аавдаа танилцуулж, цаг хугацааг хамтдаа туулна гэж мөрөөдсөн бодлынхоо цэнхэр харгуй дээр үү
Найз нөхөддөө чамайг гайхуулж, найраг шүлэгндээ магтаж явсан намрын навч шиг сэтгэл дээр үү
Унан тусан чамд дурлаж, ухаангүй мунхаглан үнэнийг олж хараагүй, учирал бүрийнхээ болзоон дээр үү
Хаана би андуурсаныг хариулж чи минь надад хэлээч…харамсахгүй ээ би дэндүү бардам явсандаа
Хайр ийм хэврэг гэж үү,… хаана нь би алдаа бол, тэрийгээ л олоод харчих юмсан тэгвэл,..зүрх минь дахиад өнчрөхгүй ээ…
……………………Х.
