Суугаа ажил, хэтрүүлж идэх зэрэг олон шалтгааны улмаас гэдэс сууж, бэлхүүс бүдүүрдэг.Нарийхан, гоё бэлхүүстэй болох нь 2 хэсгээс бүрдэнэ. Зөв хооллолт ба бие махбодийн ачаалал.
Энэ 2 үндсэн зарчмыг хослуулсны ачаар бүсэлхий орчмын өөх “хайлж”, ходоод гэдэсний үйл ажиллагаа зохистой болно.
Та энэ хоолны дэглэмийг хичнээн удаан хугацаагаар дагаж мөрдсөн ч болно.
1. Хооллолт
-давс хэрэглэхээ болих
-архи, согтууруулах ундаа уухгүй байх
-цагаан талх, амттанг хоолны цэсээс хасах
-өдөрт 5 удаа бага багаар хооллох
-апельсин, нимбэг, кресс салат аль болох их идэж, салаатаа нимбэгийн шүүсээр амталж занших, загас жигнэхдээ ч нимбэг хийх.
-кофе уухаа больж, саахаргүй ногоон цай уух
-өдөрт 1,5 литрээс багагүй ус уух
Хоолны үлгэр жишээ цэс:
Өглөөний цай: 1 ширхэг чанасан өндөг, 1 тост
Бага үд: 1 ширхэг алим буюу 1 апельсин
Үдийн хоол: 200 грамм загас (жигнэх буюу чанасан) эсвэл 200 грамм тахианы гол мах (жигнэх буюу чанасан), нимбэгийн шүүсээр амталсан ногооны салаат.
Үдээс хойш: махгүй 1 аяга шөл (ногоотой буюу будаатай).
Оройн хоол: 200 грамм үхрийн мах (жигнэх буюу чанасан), 1 ширхэг апельсин.
2. Гэдэсний дасгал
Эхлэх байдал: Сандал дээр сууж, нуруугаа эгцлэн өвдгөө нийлүүлнэ. Тавхайгаа шаланд наалдуулан суух ёстой. Эрүүгээ цээжинд наалдуулан гараа урагш сунга. Амьсгалаа гаргахдаа гэдсээ чангалж, аль болох удаан урагш тонгойно. Одоо шаланд хүрэхийг хичээ. Амьсгалаа аваад гаргаарай. Ингээд эхлэх байдалд буцаж орно.
Энэ дасгалыг 3-аас доошгүй удаа давтана. Маргааш өдрөөс эхлэн өдөрт хийх дасгалын тоог нэг нэгээр нэмээрэй. Дасгал сургуулилтаа цагариг эргүүлж төгсгөвөл илүү үр дүнтэй.
www.mnews.mn