Сэтгэл гутралын үед уйтгар гуниг маш хүчтэй мэдрэгдэж, удаан хугацааны турш үргэлжилдэг. Энэ нь таны ажил амьдрал, гэр бүлд таагүй байдлыг бий болгодог. Иймд сэтгэл гутралаас хэрхэн яаж гарах вэ?
Сэтгэл гутралын улмаас гарах өөрчлөлтүүд:
-Сэтгэл хөдлөл аажмаар буурах,
-Идэвх сонирхолгүй болох,
-Баяр баясгалангүй болох,
-Итгэлгүй горьдлого тасрах,
-Өөрийгөө буруутгах,
-Хэт дорд үзэх,
-Өөрийгөө гэм буруутай гэж бодох,
-Буруутай мэт сөрөг хандлага гаргах,
-Анхаарал сулрах,
-Юм тогтоох чадвар буурах,
-Амиа егүүтгэх тухай бодол төрөх,
Сэтгэл гутралын улмаас биед гарах өөрчлөлтүүд:
-Хөдөлгөөн удаашрах,
-Амархан ядрах,
-Зүрх дэлсэх,
-Өтгөн хатах,
-Нойр хямрах,
-Жин буурах,
-Хоолонд дургүй болох,
Энэ байдлаас хэрхэн яаж гарах вэ?
1. Сэтгэл ханамжгүй байвал дотроо бүү хадгал, харин ч ойр дотны хүмүүстэйгээ сэтгэлээ уудлан ярилц.
2. Уйлмаар байвал уйл. Уйлахад сэтгэл гутралыг үүсгэж буй хорт бодис нулимсаар гадагшилж дотор онгойдог.
3. Уур тань хүрээд байвал уураа гарга. Гэхдээ ухаалгаар гаргах хэрэгтэй. Жишээ нь аяга, таваг санаандгүй мэт хагалах ч юм уу. Ингэхэд та мэдэгдэхүйц тайвширна.
4. Ямар нэг зүйл хий, таагүй бодлоо сарниул. Цэцэг арчлах, уул хадаар явах, дэлгүүр хэсэх зэрэг нь хүний сэтгэлийг сэргээдэг.
5. Хоолны дуршил буурсан ч амттай, чанартай хоолыг багахан идээд үз. Та нэмүүлж ч магадгүй.
6. Архи, тамхи хэрэглэх гэж яарах хэрэггүй. Архи, тамхи нь сэтгэл гутралыг тань тайлдаггүй юм шүү.
Харин уусныхаа маргааш шартсан хүн улам л гуниг гутралд автаж архи уух гэж тэмүүлдэг. Үүний оронд аяга аагтай цай уугаад, намуухан хөгжим сонс. Хэт хурц, хурдан хэмнэлтэй аяыг бүү сонгоорой.