Яана даа хайран Монгол охид минь. Эцэг эхийнхээ хамаг л үнэтэй цайтайг нь үрж байгаад ”Азийн бар” Сингапурт очиж сурна гээд л явна. Очоод хийж байгаа ажлыг нь хар даа. Сингапур улсын нэгэн сайтад Монгол охид өөрсөддөө гадаад нэр өгч, биеийн харьцаа, өндөр, жин, онцлогоо харуулан танилцуулгаа бичүүлээд зурагтайгаа гарсан байх юм. Биеэ л үнэлэх гэж шүү дээ. Тэр ч бүү хэл биеэ худалдсан тохиолдолд “эхлэх цагийн үнэ, бүтэн нэг шөнөөр нь авбал” гэсэн хоёр янзаар үнийг нь тогтоон гаргажээ. Эдгээр охид Монгол болох нь нэгэнт тогтоогдсон бөгөөд өөрийгөө нууцлахыг хүссэн, баттай эх сурвалжаас бид энэ мэдээллийг авсан юм. Сингапурт охидыг мөнгөтэй хүмүүст зуучилдаг хүмүүс нэлээд байдаг бөгөөд биеэ үнэлэгч охидын дийлэнх хувь нь Монголоос сурахаар очсон, хэлний мэдлэгээ дээшлүүлэхээр ирэгсэд байдаг ажээ. Хэрэв мөнгө хангалттай олохгүй бол сардаа нэг удаа Малайз, Макао гэх мэт зэргэлдээ орнуудад очин биеэ үнэлчихээд буцаж ирдэг байна. Монгол охид хил дамнан биеэ үнэлж байгаагийн тод жишээ бол энэ. Эрээнд Монгол охид биеэ үнэлж байна гээд одоо болтол яригдаж байна. Сэтгэл эмзэглүүлсэн аймшигт мэдээний шуугиан намжаагүй байтал дахиад бүр ч “боловсруулан нарийжсан” биеэ үнэлэх мэдээ Сингапур улсад явагдаж байна. Ёстой “улаан цаймдаа гарна” гэж л энэ байх. Хөөрхий дөө, эдний ээж аавууд “охин минь гадаад улсад суралцаад, хэл усаа сайжруулж байгаа” гээд л хүмүүст ярьдаг байх даа. Гэтэл өнөөдөр аль хэдийнэ өөрийгөө үнэлчихсэн, гадаадын сайт дээр дотуур хувцаснаас өөр хувцасгүй шахам зургаа гайхуулан, “албан ёсоор” биеэ үнэлж явна. Арай ч дээ, Монгол охид минь.
Фактньюс