Жонни Депп 1983 онд 20 настай байхдаа өөрөөсөө 5 насаар эгч нүүр будагч Лори Энни Аллисонтой гэрлэсэн бөгөөд 1985 онд Private Resort хэмээх өсвөр наснынхны тухай эротик кинонд тоглож байхдаа Аллисоноос салсан байна.
Харин дараа нь 1986-1988 он хүртэл Шерилин Фенн- тэй дотно харилцаатай байж байгаад салсныхаа дараа 1989 онд “Бохир бүжиг” киноны од Женнифер Грэйтэй хэсэг хугацаанд болзож байгаад 1990 оны эхээр жүжигчин Вайнона Райдэртай үерхэж эхэлсэн бөгөөд тэд анх Райдэрын тоглосон Great Balls киноны хэвлэлийн хурал дээр харц тулгараад өнгөрсөн ч сүүлд нь Chateau Marmont зочид буудалд болсон нэгэн арга хэмжээний үеэр албан ёсоор танилцжээ. Тэд хамтдаа 1990 онд Хайчин гарт Эдвард кинонд тоглосныхоо дараа сүй тавьж байсан ч 1993 онд салцгаажээ.
Деппийн хувьд түүний болзож байсан эмэгтэйчүүдээс Вайнона Райдер хамгийн сайхан сэтгэгдэл үлдээсэн бүсгүйн байсан тухай хожим нь дурссан байдаг. 1994 онд супер модель Кэт Мосстой болзож эхэлсэн ч тэдний харилцаа ойлгомжгүй зүйлээр дүүрэн байсан бөгөөд 1998 онд албан ёсоор 2 тийш болсон. Харин дараа нь Францын дуучин,жүжигчин Веннеса Парадистай танилцаж 1998 онд гэрлэж охин Лили Рөүс Мелоди , хүү Жэк нарыгаа төрүүлж 12 жилийн турш аз жаргалтай амьдарсаар ирсэн ч саяхан гэрлэлтээ цуцлуулсан юм. Хосуудын салах гэж байгаа талаар өнгөрсөн жилээс эхлэн яригдсан бөгөөд тэр болгонд үгүйсгэж байсан хосууд энэ удаа үнэхээр салахаар шийдсэн байна. Депп сүүлийн үед олон бүсгүйчүүдтэй нэр холбогдоод байгаа бөгөөд жүжигчин Эшли Олсентой дотно харьцаатай болсон тухай яригдах болсон байна.
“Жонни Депп- Лори Энни Аллисон”
Жонни Депп- Шерилин Фенн
Джонни Депп- Женнифер Грей
Жонни Депп- Вайнона Райдэр
Жонни Депп- Кейт Мосс
Джонни Депп-Ванесса Паради
Джонни Депп-Эшли Олсен
www.urlag.mn Zoloo
