Бид гоо сайхандаа анхаарч байна гээд элдэв янзын тос, пудр, маскийг хэрэглэж л мэдэхээс чухам тэдгээрийн орц найрлагад ямар бодис орсныг тэр бүр анзаараад байдаггүй шүү дээ.
Эдгээр найрлагуудын дийлэнхи нь арьс, гоо сайхныг тань хамгаалж, арчилж тордоход зориулагдсан байх хэдий ч бүр арай ч дээ гэмээр “жигтэй” найрлага бүхий гоо сайхны бүтээгдэхүүнүүд бас байх юм аа… Ингээд зарим нэг үнэртэн, гоо сайхны бүтээгдэхүүнд ордог “хачирхалтай” орц, найрлагуудын тухай сонирхоцгооё.
1. Эхэс
Төрсний дараах “эхэс”-ийг гоо сайхны зарим бүтээгдэхүүнд хэрэглэдэг болоод хэдэн жилийг ардаа үджээ. Тэдгээр үйлдвэрлэгчдийн хэлж байгаагаар ургийн эхэс нь эд эсийн төлжилтөд онцгой нөлөөтэй бөгөөд үрчлээг багасгаж, үсэнд тэжээл болдог гэнэ. Харамсалтай нь энэ нь хараахан батлагдаагүй ч үргэлжлүүлэн хэрэглэсээр…
2. Халимны “бөөлжис”
Үнэртэй ус гарган авахад хэрэглэдэг эл бодисыг “Амбергрис” гэж нэрлэдэг бөгөөд үнэртний найрлагад онцгой нөлөөтэй ажээ. Анхилуун зөөлөн атлаа шороон үнэртэй эл бодисыг гол төлөв Өмнөд Америк, Австралийн далайн эргээс олдог байна. “Squid” хэмээх далайн нэгэн зүйл амьтан нь халимны хамгийн амттай зоог болдог бөгөөд халимны хоол боловсруулах эрхтэн тогтолцоо нь эл амьтны хошуун хэсгийг боловсруулж, шингээж чаддаггүй тул бөөлжиж гаргадаг ажээ.
Ингээд халимны амнаас хальсан эл бөөлжис нарны гэрэл, далайн усны давсны нөлөөгөөр анхилуун, өвөрмөц үнэртэй болж үүнийг нь үнэртэй ус гаргахад хэрэглэдэг юм байна.
3. Кочиниль шавж
Өмнөд Африк, Мексикийн нутгаар байдаг эл шавжийг халуун усанд буцалгаж хатаагаад, сайтар нунтагласнаар нүүрний тос, уруулын будаг болон бусад гоо сайхны бүтээгдэхүүний өнгийг “гал улаан” туяарсан харагдуулах гайхалтай орц бий болдог гэнэ.
4. Хөхний сүү
Эхийн сүүгээр “саван” хийдэг бөгөөд нутгийн иргэд гол төлөв цөөн тоогоор хааяа нэг хийдэг гэнэ. Мэдээж хөхний сүүгээр хийсэн саван арьсанд тэжээлтэй, арьсыг чийгшүүлж залуу, толигор байлгана.
5. Бухын “үрийн шингэн”
Европын гоо сайхны бүтээгдэхүүн үйлдвэрлэлийн салонд бухын үрийн шингэнийг үс арчилгааны бүтээгдэхүүн хийхэд ихээр ашиглах болжээ. Тэдний үзэж байгаагаар бухын үрийн шингэнд агуулагдах уураг нь үсэнд тэжээл өгч, гялалзсан зөөлөн болгодог ажээ.
6. Тахианы чөмөг
Чухам ямар бүтээгдэхүүнд хэрэглэдэг нь нууц хэвээр байгаа ч тахианы чөмөг нь хүний биед хэрэгтэй глюкозаминаар нэн баялаг ажээ.
7. Минжний төмсөг
Минжний төмсөг болон засаа нь маш өмхий үнэртэй байдаг бөгөөд уламжлалт эмний найрлагад хэрэглэхийн зэрэгцээ сүүлийн үед үнэртэй ус гаргахал ашиглаж байна. Тааламжгүй үнэрийг шингэрүүлж зөөлрүүлснээр эрэгтэйчүүдийн үнэртэнд ихээр хэрэглэдэг ба савхи, арьс ширийн мэт үнэр гаргадаг байна.
8. Могойн хор
Үрчлээний эсрэг хамгийн найдвартай гоо сайхны бүтээгдэхүүн гаргах зорилгоор могойн хорыг үрчлээний эсрэг тос, тарианд хэрэглэдэг.
9. Эмгэн хумсны ялгадас
Хөгшрөлтийн эсрэг крем, батга болон сорвины эсрэг бүтээгдэхүүнүүдэд ихээр хэрэглэдэг бөгөөд чийгшүүлэх онцгой үйлчилгээтэй ажээ.
10. Завсар мах буюу Хөвч тасалсан арьс
Үрчлээ багасгаж, арьс нөхөн төлжүүлэх болон арьсны коллагены тэнцвэрт байдлыг хангахад чухал нөлөө үзүүлдэг гэж үзэн нялх хүүхдийн засаад удаагүй байгаа хөвчний завсар арьсыг энэ төрлийн олон бүтээгдэхүүнд хэрэглэдэг байна. Нэн ялангуяа “SkinMedica” ба “Vavelta” гоо сайхны компанийг онцлон дурьджээ.
PlaySkull.mn