Саяхан Коллеж Лондон Их сургуулийн эрдэмтэн Никки Шур, Фил Паркер нар Австралийн Католик Их сургуулийн сэтгэл судлаач Жерримтэй хамтран 40 мянган өсвөр насны хүүхдийн дунд судалгаа явуулжээ. Уг судалгаа нь Англи, Америк, Канад, Австрали, Шинэ Зеланд, Англи, Шотланд, Канад, Австрали зэрэг орны 15 настай хүүхдүүд сургуульд үздэг гол академик хичээлүүдийн агуулгыг хэр эзэмшсэнийг үнэлэх зорилготой байжээ.
Судалгааны явцад хүүхдүүдэд олон өнцөгт, квадрат функц, вектор зэрэг математикийн 16 ойлголтыг мэдэж буй эсэхийг шалгасан бөгөөд тэдгээрийн дотор гурван алдаатай томьёолол оруулсан аж. Сэтгэл судлаач Жеррим эдгээр алдаатай томьёололд хүүхдүүд хэрхэн хариулж буй судлахдаа хүйс, эдийн засгийн байдал, нийгэмд эзлэх байр суурь, амьдарч буй бүс нутгаар нь харьцуулж үзжээ.
Сонирхолтой нь, хүүхдүүдийн хариултад анализ хийж үзэхэд хөвгүүд охидоос илүү худал хэлдэг болох нь тогтоогдсон байна. Түүнчлэн нийгэм, эдийн засгийн хөгжлөөрөө давамгайлж буй хөгжингүй улсад төрж өссөн, амьдралын боломжоороо бусдаас илүү хүүхдүүд өөртөө илүү итгэлтэй ба тэр хэрээрээ асуултад худлаа хариулж байжээ. Бүс нутгаар нь авч үзвэл Хойд Америкт амьдардаг хүүхдүүдэд дээрх хандлага илүү ажиглагдсан байна. Харин Шотланд, Умард Ирландад амьдардаг 15 настнууд асуултад илүү нухацтай, бодитой хариулахыг хичээжээ.
