Хар тамхины хор энгийн тамхинаас 20, архинаас 10 дахин их хор нөлөөтэй гэх таамаг үзүүлэлт байдаг. Гэвч манай монголын залуус аль муу муухай зүйл рүү тэмүүлээд л байх юм. Монголчуудын нэг хасаг нь тамхи татдаг бол 3/2 нь архидан согтуурдаг гэх судалгаа гарчээ.
Үүн дээр бас болоогүй хар тамхи гэгч “хар толгой” залуучууд дунд хүчтэй дэлгэрч, манай авьяас билгээрээ алдаршсан залуучуудыг “аавынх” руу явуулсаар байна. Хип хоп хэмээх урсгалын залуучууд энэ хэрэг холбогдон зарим нь шоронгийн хаалга татсан бол зарим нь хаалганых нь наана хувь заяагаа шийдүүлэх гээд өдөр болгон шүүхийн хаалга татаж сууна.
Одоо тэдний араас рокынхон жагсах нь. Манайд рок урсгалаар дуулдаг ганц эмэгтэй дуучин Отгоог уран бүтээлийн чөлөө авсан хойгуур Сүндэрээ гэх бүсгүй олны анхаарлыг татаж эхэлсэн.
Хэнд ч гологдохооргүй царай зүстэй, хэнийг дагуулахгүй чадварлаг хоолойтой энэ бүсгүйг 25 дугаар телевизийн “Дуэт дуэл”-д оролцож байсныг санаж байгаа байх. Гэвч дуучин бүсгүй сүүлийн үед цагдаа сэргийлэхийнхэнтэй харшилтай болж, эрэн сурвалжлахад хүрээд байгаа тухай мэдээлэл бидэнд ирлээ.
Баттай эх сурвалжийн хэлсэнээр тэрбээр нөгөөх алдарт хар тамхины хэрэгт холбогджээ. Манай зарим рокынхон хар тамхинаас хамааралтай гэдэг нь одоогоос 3 жилийн өмнө буюу амьд хөгжмийн наадам “Play time” наадам дээрээс мэдрэгдсэн.
Тус наадам дээр хэдэн рокууд хар тамхи татаж, улмаар зарах гэж байгаад цагдаа нар баригдсан. Энэ бүх зүйлээс дуучин бүсгүй маань холуур өнгөрч чадсангүй, аль хэдийнэ хутгалджээ. Одоогоор түүнийг цагдаагийнхан эрэн сурвалжилж байгаа бөгөөд хаана байж болох талаар нь ойрын найз нөхөд болон хамаатан садангуудаас нь сургалсаар байгаа аж.
http://urdun.mn/index.php/2012-03-02-10-09-45/1361-2012-08-27-03-49-58