Хижээл насандаа эрүүл амьдралын хэв маягийг мөрдлөг болговол таван насаар илүү амьдрах боломжтой аж. Эрдэмтэд 75 болон түүнээс дээш насны 1800 хүний дунд 18 жилийн турш судалгаа хийжээ. Тэдний дотор 90 насны босго давсан ихэнх хүмүүсийг авч үзвэл гол төлөв дээд боловсролтой, эрүүл амьдралын хэв маягтай эмэгтэйчүүд давамгайлж байв.
Судалгааны дүнгээс харахад тамхи татагсад бусдаасаа нэг жил дутуу амьдардаг болох нь тогтоогджээ. Насжилтын хэмжээг нэмэгдүүлэхэд биеийн идэвхитэй байдал ихээхэн нөлөө үзүүлжээ. Тогтмол усанд сэлж, явган аялж, дасгал хийж байсан хүмүүс бусдаасаа хоёр жилээр илүү амьдарч байсан нь тогтоогдов. Харин эрүүл саруул амьдралын хэв маягтай хүмүүс үе тэнгийнхнээсээ таваас доошгүй жил илүү амьдарч байжээ.
www.wikimon.mn