“Мусульманчуудын цэвэр ариун байдал” нэртэй дуулиант киноноос болж ОХУ-д YouTube сайтыг бүрэн хааж магадгүй байгаа гэнэ. Энэ тухай Холбоо харилцааны сайд Николай Никифоров мэдэгджээ. YouTube сайтан дээр “Мусульманчуудын ариун байдал” нэртэй өдөөн хатгалга бүхий киног байрлуулж, олон нийтэд хүргэснээр исламын ертөнцөд уур хилэн бадрааж, олон улс оронд эсэргүүцлийн ширүүн хөдөлгөөн өрнөөд байгаа. Энэ кинонд Мухаммед зөнчийг үл үзэгдэх хэлбэрээр дүрсэлсэн. Исламыг хорт хавдар, харин Мухаммедыг хууран мэхлэгч, ижил хүйстэн мэтээр өгүүлжээ. Энэ киноны найруулагч Басили Наулийн хэлж байгаагаар зураг авалтанд нийт 5 сая доллар зарцуулсан гэнэ.
Үнэндээ энэ их хөрөнгө юунд зарцуулагдсан нь ойлгомжгүй байна, кинонд хямдхан картонон, эсвэл компьютерээр бүтээсэн тайз декорацийг ашигласан, мөн зүгээр л хөлгүй камераар зураг авалтыг хийсэн мэт сэтгэгдэл төрнө. Харин кинонд тоглосон мэргэжлийн бус тэдгээр жүжигчид нь хэрвээ ийм зүйл болохыг мэдсэн бол хэзээ ч үүнд оролцохгүй байсан гэж мэдэгджээ. Тэдний хэлж байгаагаар зураг авалтын талбай дээр хийж байсан зүйлс болон дэлгэцэнд гарсан 2 зүйл огт өөр 2 зүйл болсон гэж ярьсан байна. Киноны анхны нэр нь “Цөлийн дайчин” нэртэй байжээ.
Noyon.mn
