Английн хэвлэлд төрөл садангууд нь “гэр бүлийн нэр төрийг аврах” гэсэн шалтагаар эмэгтэйчүүдийг цаазаар авдаг тухай аймшигтай тоо баримтыг нийтэлжээ. Энэ зэрлэг зан заншлын улмаас жилд 20 мянга орчим бүсгүйг харгисаар хөнөөдөг байна. “Нэр төрөө цэвэрлэх” гэсэн халхавчтай аллага Исламын ертөнцөөс хальж Европт дадал болж байгаа нь шинжээчдийг түгшээж байна. Ойрхи Дорнод, Баруун Өмнөд Азийн орнуудын эмэгтэйчүүдийн байгууллага НҮБ-ын “албан ёсны” тоо баримтаас 4 дахин их эмэгтэйчүүдийг “цаазалж” байна гэж мэдээлж байгаа юм. Аллагыг янз бүрийн аргаар үйлддэг ба эмэгтэйчүүдийн толгойг тасдах, шатаах, чулуугаар цохиж алах, тогонд цохиулах, амьдаар нь булах гээд маш олон янз. Иордан болон Египтэд эцгүүд нь төрсөн охидоо хүчирхийлж жирэмслүүлсэн тохиолдолд гэр бүлийн нэр төр аврахаар охидыг аавууд алдаг. Сомалид бүлэг хүчирхийлэлд өртсөн 13 настай Айшиг 50 эрэгтэй чулуугаар цохиж алсан байдаг.
“Нэр төрөө гутаасан” эмэгтэйчүүдийг хүчиндэж шийтгэдэг нь хамгийн аймшигтай. Энэтхэгийн нэгэн тосгонд омгийн шүүх 11 настай хүү 30 настай эмэгтэйтэй холбогдсоны төлөө хүүгийн 18 настай эгчийг тосгоны эрчүүд хүчирхийлж алах шийдвэр гаргаж байжээ. Цагдаа болсон хэргийг долоо хоногийн дараа мэдсэн ч шийтгэх хүн олдоогүй гэдэг.
Эмэгтэйчүүдийг зэрлэгээр алж хөнөөдөг орнуудын жагсаалтыг Пакистан, Турк, Энэтхэг тэргүүлдэг. Шинжээчид Туркт жилд 200 орчим эмэгтэйчүүд хүчирхийллийн золиос болдог гэсэн тоо баримтыг хэт “дарсан” гэж үздэг.
Арабын ертөнцөд эмэгтэй хүний “онгон” эсэх нь гэр бүлийн нэр хүндэд шууд нөлөөлдөг. Хэрвээ эмэгтэй хүн хүчиндүүлсэн, эс бол тийм цуу яриа гарсан бол хүчээр эмнэлэгийн үзлэгт оруулдаг байна. Иорданд амьдардаг эмнэлэгээр орж “онгоноо” шалгуулсан палестин бүсгүйчүүдийн 75% дараа нь төрөл садандаа алуулсан гэсэн тоо баримт байдаг. Иракт “нэр төрөө гутаасан” эмэгтэйчүүдэд өөрийн биендээ гранат уяж байгаад дэлбэлэх нь бараг моод болсон бөгөөд энэрэнгүй аллага гэж үздэг аж.
Олон улсын хүний эрхийн байгууллагууд эдгээр аллагын гол шалтгаан нь шашин шүтлэг, омгийн ёс заншлаас илүүтэйгээр хууль цаазтай холбоотой гэж үзэж байна. Учир нь нэрээ төрөө аврахын тулд эгч, дүү, охиноо алсан аав, ах нар ял эдэлдэггүй ба аргагүй тохиолдолд хэдхэн сар хорьдог байна. Алуурчдыг шоронгоос гарахад ах дүү, ойрын хүмүүс баатар мэтээр угтаж авдаг.
Яасан хэцүү хувь тавилан бэ /mongolradio.com/