Сүүлийн үед хэсэг бүлэг охид, бүсгүйчүүд гадаад хүн гэхээр баян, лаг мэтээр сэтгэн,
өврөө дэлгэх явдал газар авсаар байгаа билээ. Гадаад эртэй гэрлэж хүний нутагт зовж яваа олон олон бүсгүйчүүдийг зөндөө л сонслоо, харлаа. Гадаад хүн гэхээрээ соёлтой боловсон мэт сэтгэж, өөрсдийгөө бүдүүлэг мэт сэтгэх бид бас хөөрхийлэлтэй.
Саяхан “Үндэсний соёл амралтын хүрээлэн”-гийн хашаа руу морь харж буй гурван гадаадтай тааралдлаа. Тэд бүгдээрээ согтууруулах ундааг хэтрүүлэн хэрэглэсэн байлаа.
Тэдний хажуугаар зөрөн өнгөрөх машинтай хүмүүс дургүйцлээ илэрхийлсэн боловч тэд тоосонгүй. Архиндаа хөлчүүрэв үү. Харин ч өмнөөс “Hello” хэмээн гараа арзгануулав.
Саяхан л гэхэд улсын минь нийслэлийн гудамжаар хоёр гадаад машин дээрээ тухлан сууж яваад олны дургүйцлийг хүргээд амжсан.
Соёлгүй, бүдүүлэг гадаадууд эх орныг минь дорд үзэж, биднийг доромжилсоор байгаа явдалыг бид дуугүй хараад суусаар байх уу. Энэ улс оронд хууль хяналтынхан гэж байна уу.
Ж.ЦАЦРАЛ
ЭХ СУРВАЛЖ:WWW.MISS.MN