Цагийн хувиараар аз жаргалтай байна гэж үгүй. Аз жаргалтай яг тэр мөчид цаг хугацааг мартчихдаг. Цагт баригдах тусам хүн аз жаргалгүй болж байдаг. Бухимдах зүйлс улам нэмэгдэж байдаг. Энд ярьж буй цаг хугацаа бол сэтгэл зүйн цаг хугацаа юм. Энэ нь юу ч хийхгүй байна гэсэн үг биш. Харин ч хийж буй зүйлдээ бүрэн уусахын нэр юм. Өнөөдөр биш, цагын дараа биш, 5 сэкунтын дараа биш, яг одоод бүрэн дүүрэн байхын нэр юм. Айлын хаалга тогшиж буй бол тогшиж буй яг тэр мөч нь одоо юм.
Гэрийн эзэн ирээдүйд ирж л хаалгаа онгойлгоно. Гэтэл бид хүн ирэх нь үү гэж ирээдүй лүү үсэрч яаж тогшсоноо ч мэдэхгүй одоог ирээдүйгээр сольчихдог. Одоод байна гэж хийж буй үйлдэл бүхнээ бүрэн ухамсартай мэдэж мэдэрч хийхийн нэр юм. Ийм тохиолдолд хөдөлгөөн удааширдаг. Үйлдэл бүхэн тансаг нэг л өөр болчихдог. Одоод байдаггүй үйлдэл бүхэн хөнгөн хийсвэр ухамсаргүй байдаг. Хийж буй зүйлээ анзаарахгүй өөр зүйл бодож байдаг. Бид дандаа ингэж одоогоос өөр зүйлрүү үсчдэг.Амьрдалынхаа ихэнх хугацааг хүлээж өнгөрөөдөг. Юу нь мэдэхгүй ямар нэг ирээдүйн юманд бэлдэн бэлдсээр нэг л мэдэхэд үхэх болсон байдаг. Хэрэв та одоод бүрэн дүүрэн байж чадах юм бол таны бүх зовлон алга болно.
Erdenezuu Monastery Baasansuren