Хийн бууны өсвөр уе, залуучууд, насанд хүрэгчдийн Азийн аварга шалгаруулах тэмцээн энэ сарын 9-12-нд Кувейт улсад боллоо. Тэмцээний эхний өдөр насанд хүрэгчдийн эмэгтэйчүүдийн урт бууны дасгалд ОУХМ Д.Лхамсүрэн, спортын мастер Н.Ангирмаа, М.Түвшинжаргал нарьш бүрэлдэхүүнтэй баг мөнгөн медаль хүртсэн. Тэгвэл гурав дахь өдрийн тэмцээн хийн урт бууны дөрвөн дасгал болж, Монголын есөн тамирчин онч сорив. Залуучуудын “ХБ-4” дасгалд Хэнтий аймгийн “Есүхэй мэргэн” клубийн тамирчин, спортын мастер Н.Ангирмаа хүрэл медалийн эзэн боллоо. Уг дасгалд Техник спорт төвийн тамирчин З.Намдуун долоо, Сүхбаатар аймгийн тамирчин М.Түвшинжаргал есдүгээр байранд орсон.
Ингэснээр Монголын эмэгтэй буудагчид 11 багаас 1234 оноогоор багаараа алтан медаль хүртлээ. Харин БНСУ 1232, Иран 1228 оноогоор удаалав. Энэ нь Монголын өсвөрийн мэргэн буудагчдын Азийн АШТ-ээс хүртсэн хувийн анхны медаль, багийн анхны алтан медаль болсон юм. Түүнчлэн баяр дээр баяр нэмж, спортын мастер Н.Ангирмаа 395 онож, ОУХМ-ийн болзол хангаснаас гадна “Наньжинь-2014” залуучуудын хоёр дахь удаагийн олимпийн наадамд эх орноо төлөөлөн оролцох эрх авчээ. 18 настай тэрбээр тивийн аваргаас медалийн иж бүрэн цуглуулгатай эх орондоо ирэхээр болж байна. Өчигдөр тэмцээний сүүлийн өдөр өсвөр үе, залуучуудын эрэгтэй, эмэгтэй хийн гар бууны 10 метрийн дасгал болсон юм.
Б.ЗҮЧИ