Дуучин Жастин Бибер хөршийнхөө амгалан тайван байдлыг алдагдуулж, эд хөрөнгийг нь эвдлэн сүйтгэсэн хэргээр хоёр жилийн тэнсэн харгалзах ял авсан байна. Калифорни мужийн шүүхээс түүнд мөн 80 мянган ам.долларын торгууль ногдуулж, тав хоног олон нийтийн ажил хийлгэх шийдвэр гаргажээ. Жастин Бибер найзуудын хамт хөршийнхөө гэр рүү өндөг шидэн тохуурхаж буй видео бичлэг мөрдлөгийн явцад олдсон аж. Шүүхийн шийдвэр гарсаны дараа түүнийн хэвлэлийн төлөөлөгч “Жастин асуудлыг шийдвэрлэж энэ бүхнийг давж гарсандаа баяртай байгаа. Одоо тэр зөвхөн өөрийн карьер болон хөгжмийн урлагтаа анхаарал хандуулах болно” гэсэн байна.
