“Киви”-гийнхэнг Б.Ангирмаагийн утсан хуүхэлдэй гэдэг. Продюсер нь ч тэдний “чанга” гараар баздаг. Хамтлагийн ахлагч Ука гэхэд бие даасан уран бүтээл хийж цомог гаргасан ч хаа очсон газраа Б.Ангирмааг дагуулж явдаг.Телевизийн ярилцдагад орох бүр л Ангираа хажууд сууж байдаг. Яг л хөхүүл хүүхдээ тэвэрч яваа эх шиг. Ингэхээс өөр аргагүй юм. Ука уран бүтээлчийн хувьд өөрийгөө аваад явчих чадвар байхгүй. Яриагаа эмх цэгцтэйхэн тайлбарлаж чадахгүй учраас л Ангираа түүнийг сүүдэр шиг дагаж явдаг.
Шинээр гарч буй хамтлаг дуучид “алдарших” үгүй нь продюсерийн чадвараас шалтгаалдаг.
Хэдэн дуу нь хит болж, олонд танигдаад ирэнгүүт их зан гаргаж продюсерээ сольдог, эсвэл ганцаараа зүтгэдэг. Харамсалтай тэд ихэнхдээ уран бүтээлийн хувьд уналтад ордог юм. Монголын рок попын ертөнцөд энэ үйлдэл хамгийн ихээр давтагдсан.
ВХ гэж дуучин 2006 оны дунд үеэс Монголдоо од болсон. Тэрбээр продюсер С.Энхмандахаас татгалзснаасаа хойш бараг чимээгүй болсон.
Агиймаа, Эгшиглэн гээд төрийн соёрхолт Д.Болдын гаргаж ирсэн дуучид ч “В” прадокшнаас өрх тусгаарлснаас хойш уран бүтээл нь зогсч шоу тоглолтын дуучин болсон. “Киви” хамтлагийг Ангираа ийм болгочихгүйн тулд “хөхүүл” эхийн ажлыг хийсээр яваа юм.
Л.Гал /Өдрийн шуудан/
