Холливудын жүжигчин Брэд Питт, Анжелина Жоли нар өнгөрсөн долоо хоногт Францын өмнөд нутгийн Корренс хотын ойролцоох Миравал эдлэн газартаа хуримаа хийсэн байна. Жүжигчин эр саяхан кино зураг авалтын ажлаар явж байхдаа хуруундаа хуримын бөгж зүүсэн байжээ.
Хосын хурим цомхон хүрээнд болсон бөгөөд гэр бүл, найз нөхөд болон Холливудын зарим алдартай жүжигчин байсан аж.
Дашрамд дуулгахад, Брэд Питт, Анжелина Жоли нар 2012 оны наймудгаар сард Миравал эдлэн газрыг худалдаж авчээ. Үүнд хэдий хэр мөнгө зарцуулсан нь тодорхойгүй байгаа ч эдлэн газар нь 60 сая ам.доллараар үнэлэгддэг гэж хэвлэлүүд мэдээлж байна.
