Эмэгтэйчүүд бидэнд хамгийн их тохиолддог, хүндэвтэр асуудлуудын нэг бол яахын аргагүй целлюлит буюу анагаахын хэллэгээр бол “арьсан доорхи өөхөн эдийн өвчин” юм.
Целлюлит нь ихэнхдээ өгзөг, гуя, хэвлийн хэсгээр үүсдэг. Целлюлит нэг ёсондоо гоо сайхны асуудал болохоос биш хэтэрхий хүнд өвчлөлийн, өвчний төрөл биш гэдгийг эмч нар баталдаг. Гуя, хэвлийн хэсгийн арьсийг хооронд нь шахахад жижиг жижиг товгор, лемоны хальсийг шахаж байгаа юм шиг зөөлөн товгорууд илэрч байвал целлюлиттэй болж байгаагийн шинж юм.
Хоолны буруу дэглэм, таргалалт, хөдөлгөөний дутагдал, жирэмслэлт болон төрсөн эхчүүдэд целлюлит үүсдэг гэдгийг бүсгүйчүүд маань сайн мэдэх байх. Туранхай эмэгтэйчүүдэд целлюлит үүсдэггүй гэдэг бол худлаа. Учир нь целлюлит хүний арьсны бүтэц онцлогоос мөн хамаардаг учраас тарган, туранхай гэж “ ялгахгүй” шүү.
Бүсгүйчүүддээ целлюлитээс сэргийлэх энгийн, үр дүнтэй, байнгын мөрдөж болох аргуудыг бэлдлээ.
Целлюлит удамшлынх гэж байдаг учраас ээж тань целлюлиттэй бол танд ч мөн целлюлит үүсэх магадлал өндөр. Гэхдээ сайхан мэдээ гэвэл Ази бүсгүйчүүд барууныхныг бодвол целлюлиттэй байх нь бага байдаг.
Жирэмслэлт болон насны онцлогоос хамааран үүссэн целлюлитийг эс тооцвол түүнээс бусад таргалах, хөдөлгөөний дутагдал, буруу хооллолтоос үүдсэн целлюлитийн эсрэг та “тэмцэж” чадна.
Таны хянаж чадах эрсдлүүд:
• Нүүрс усны хэт нарийн дэглэм
• Биеийн илүүдэл жин болон хэт таргалалт
• Хөдөлгөөнгүй сулбагар байдал
• Шингэний дутагдал буюу цэвэр ус уухгүй байх зэрэг бол таны хувьд хялбархаан шийдчих асуудлууд шүү дээ.
Ажил ихтэй оффисийн бүсгүйчүүд өдрийн 30 минут, эсхүл лифтэнд суухын оронд дээш доош алхаад л хөдөлгөөний хэт дутагдлаас хялбархан сэргийлчихнэ. Тэгээд ч гадаа дулаараад, Улаанбаатар маань утаагүй болчихсон байхад ажил, сургууль, гэрийн хооронд алхаад байж яагаад болохгүй гэж. Ус уухаа мартчихдаг бол бяцхан усны савтай нөхөрлөж болно шүү дээ. Уснаас өөр биед хэрэгтэй шингэнийг нөхөх “шидтэн” байхгүйгээс гадна хаврын улиралд хуурайшилтаас хамгаалж, царайгаа өнгөлөх толигор байлгах хамгийн найдвартай арга.
Целлюлитийн эсрэг тосыг 6 сарын туршид хэрэглэсэн бүсгүйчүүд арьс толийж, илүү хатуу чанга болж байгааг баталж байна. Целлюлитийн эсрэг тос хэрэглэснээр урьдчилан сэргийлж байна гэсэн үг юм.
Худал: Арьсаа борлуулснаар целлюлитээс хамгаална гэдэг нь худал. Бор арьсанд үүссэн целлюлит мэдэгддэггүй учраас хүмүүс арьсаа борлуулах, арьс борлуулах аппарат ашигладаг. Харин ч эсрэгээрээ арьс борлуулах аппарат ашиглан арьсийг борлуулснаар илүү нимгэн, эмзэг болгодог. Харин оронд нь гоо сайхны массаж, мэс заслын бус тэжээлийн витаминаар дусал, тариа хийлгэх, лазерийн аргаар арьсанд тэжээл өгч, хатуу чанга болгох зэрэг аргууд үр дүнтэй байдаг гэнэ шүү.
Эмийн ургамлаас гаргаж авсан тос илүү үр дүнтэй. Гэрийн хошоонгор, яргуйн тос гэх мэт байгалийн гаралтай биеийн тос илүү үр дүнтэй.
Шүршүүрт орохдоо гуужуулагч саван байнга ашиглах, уснаас гарсны дараагаар биеийн тос байнга түрхэж занших нь гэрийн нөхцөлд целлюлитээс урьдчилан сэргийлэх нэг арга болдог. Хамгийн гол нь арьсаа хатуу чанга байлгахын тулд дасгал хөдөлгөөн, эрүүл хооллолт мөн дээрээс нь хэвлий, өгзөг, гуя хэсэгтээ ургамлын найрлагатай целлюлитийн эсрэг эсхүл биеийн тос байнга түрхэхээ бүү мартаарай.
goolingoo.mn