Жирэмслэлт ба эм хэрэглээ

Жирэмсэн үед эм хэрэглэх нь маш ноцтой үйлдэлд хүргэж болдог байна. Учир нь жирэмсэн үед эхийн хэрэглэсэн эм эхсээр дамжин урагт хүрч төрөл бүрийн сөрөг нөлөө үзүүлж болно. Эм урагт хэрхэн яаж нөлөөлөх нь жирэмсний хугацаанаас хамаарах бөгөөд жирэмсний эхний үед эм сөргөөр нөлөөлсний улмаас үр хөврөл хөнөөгдөх, аль нэгэн эрхтэн систем нь согогтой төрөх буюу ургийн гаж хөгжил үүсч болдог бөгөөд харин ургийн эрхтэн хөгжлийн үеэс хойш буюу ургийн өсөлтийн үед хэрэглэсэн эмийн сөрөг нөлөөний улмаас ургийн өсөлт саатах эсвэл аль нэгэн эрхтэн системийн үйл ажиллагааны алдагдал үүсч болдог төдийгүй жирэмсний сүүлийн саруудад хэрэглэсэн эм эхийн төрөх үйл ажиллагаанд свргөөр нөлөөлж болохын зэрэгцээ төрсний дараа нярайн гадаад орчинд дасан зохицох явдалд муу нөлөө үзүүлж болдог байна.
Жирэмсний эхний 3 сард эм хэрэглэхгүй байх
Жирэмсэн үед, ялангуяа жирэмсний эхний гурван сард аль болох эм хэрэглэхгүй байх нь зүйтэй. Эмийн ашигтай үйлдэл нь уг эмийн урагт үзүүлж болох сөрөг нөлөөнөөс давуутай байгаа тэр үед л сая эмийг хэрэглэх нь зүйтэй. Жирэмсэн үед урагт хэрхэн нөлөөлөх нь тодорхойгүй / өөрөөр хэлбэл судлагдаагүй/ ба шинэ эмийг жирэмсэн үед хэрэглэхгүй байвал зохино. Жирэмсэн үед эмийг аль болох эмчилгээний бага тунгаар хэрэглэх мь зөв. Эмийн бэлдмэлүүдийг жирэмсэн үед сөрөг нөлөө үзүүлж болох рискээр нь зургаан категори болгон ангилах /АНУ-ын FDA-ээс тогтоосон ангилал/ бөгөөд харин жирэмсэн үед сөрөг нөлөө үзүүлдэг нь илэрхий болсон эмүүдийг аль хэр ноцтой нөлөөлөх байдлаар нь гурван зэрэг болгон ангилдаг байна. А.Жирэмсэн үед хүчтэй сөрөг нөлөө үзүүлэх эм
-Цитостатикууд: метотрексат, циклоцосфамид, винкристин, фторурацил г.м
-Мөөгөнцөрийн эсрэг ба хавдрын эсрэг нөлөөт антибиотикууд: актиномицин, рубомицин г.м
-Иммунодепрессантууд: азатиоприн г.м
Б. Жирэмсэн үед дунд зэргийн сөрөг нөлөө үзүүлэх эм
-Зарим антибиотик: Аминогликозидын ба тетрациклины бүлэг, рифамицин г.м
-Хими заслын зарим эм: Аминохинолоны уламжлал, хлорохин, делагил г.м
-Хининий бэлдмэл: хинидин
-Таталдаа намдаах зарим эм: дифенин, финлепсин
-Паркинсонизмыг эмчлэх
-Литийн давс
-Стероид ба стероид бус үрэвслийн эсрэг нөлөөт эм
-Ууж хэрэглэдэг чихрийн шижингийн эсрэг нөлөөт эм
-Нейролептик эмүүд
-Этилийн спирт
-Бамбай булчирхайн хордлогыг эмчлэх эмүүд: тиамазол, иодид г.м
В. Жирэмсэн үед багавтар сөрөг нөлөө үзүүлж болох эм
-САА-дууд, ялангуяа бисептол
-Микробын эсрэг нөлөөт нийлэгэм: метронидазол, фазижин г.м
-Гурван цагирагт антидепрессант
-Транквилизатор: мепробамат г.м
-Бэлгийн гормон: эстрогенууд г.м