Бараг л эр хүн болгон эхэндээ биднийг өөрийн болгохын тулд чих баярлуулмаар үг олныг хэлж, биднийг баярлуулахын тулд бэлэг сэлтээр дардаг. Тэгээд бас өөрийнхөө хамгийн сайхан зан аашийг ил гаргана. Гэхдээ түүний цаана яг хэн байгааг харилцааны эхний үе шатуудад харахад хэцүү. Танилцаад удаагүй эрийг ч гэхдээ дараах чанаруудаар нь тодорхой хэмжээнд таньж болно.
Бэлэн мөнгө vs. Карт
Өөртөө итгэлтэй амбицтай эрчүүд ихэвчлэн картаар төлбөрөө хийдэг. Тэд өөрсдийнхөө хүсч байсан санхүүгийн эрх чөлөөнд хүрсэн гэсэн үг. Тиймээс ч түүний хувьд картнаас нь хэр их мөнгө урсах нь хамаагүй, мөнгийг үрж сурсан нь илэрхий юм. Нийгэмд эзэлж байгаа байр сууриндаа сэтгэл хангалуун эр. Харин бэлэн мөнгөөр тооцоо хийдэг эрчүүд өөрөө өөрийгөө аваад явчихдаг, бие даасан хүн юм. Харин хоосон түрийвчтэй юм уу хэзээд тооцоо хийхээс татгалздаг, шалтаг хэлдэг эр бол эмэгтэй хүнд найдах дуртайн шинж.
Зуршил
Эр хүний зан араншинг мэдэхийн тулд зуршилд нь анхаарлаа хандуулах хэрэгтэй. Тамхи их хэмжээгээр татдаг эрчүүд хэтэрхий их юманд санаа зовдог, бухимдалтай байх нь элбэг. Мөн эрүүл бус зуршилдаа автчихсан бол сэтгэлийн тэнхээ муутай байж мэднэ. Согтууруулах ундааг хэт хэрэглэдэг, эсвэл хэт party animal эрчүүдэд мартахыг хүсдэг зүйл, эсвэл нуухыг хүсдэг сул талууд байж магадгүй. Мөрийтэй тоглоомчин бол эрсдэлд дуртай нэгэн. Юманд автахдаа амархан.
Найзууд
Түүнийг хуурамч эсэхийг мэдэхийг хүсвэл найзуудыг нь ажигла. Бага наснаасаа хойш найзалсан хүндээ үнэнч байгаа бол, тэр эр уян хатан бөгөөд чин сэтгэлийг үнэлдэг гэсэн үг. Тэд өөрчлөлтөнд тийм ч нааштай биш байж мэднэ, гэхдээ чи тэдний итгэлийг нэг л олчих юм бол тэд чамайг тавихгүй. Харин их сургууль, ажил, фитнесс клуб гээд өөрийнхөө хамааралтай бүх бүлгээс сайн найзууд олонтой бол, тэр өөрчлөлтөнд нааштай, нээлттэй, илэн далангүй зантай. Тэд нийгмийн ямар ч нөхцөл байдалд зохиоцож чадна.
Спорт
Ихэнх эрчүүд спортонд дуртай. Харин тэдний хамгийн дуртай спорт зан чанарыг нь илэрхийлнэ. Бейсболл, хөл бөмбөг зэрэг багийн спортонд дуртай эрчүүд тэмцэл, өрсөлдөөнд “нугасгүй”. Тэд найзуудтайгаа цуг сууж дуртай спортынхоо тэмцээнийг үзэх дуртай. Тиймээс ДАШТ, Playoff-оор чамтай болзох зав хомсхон болж ч магадгүй шүү. Гүйлт, бокс, усанд сэлэлт зэрэг ганцаарчилсан спортод дуртай эрчүүд өөрөө өөртэйгөө цагийг өнгөрүүлэх дуртай, бие даасан шинжтэй. Харин спортоп тийм ч дургүй эрчүүд? Тэд эмзэг, уян зөөлөн, илүү романтик байх нь элбэг.
Харилцаа холбоо
Нийгмийн харилцаа нь түүний талаар ихийг өгүүлж болно. Тэр одоохондоо чам руу утсаар ярихын оронд мессеж бичих, чатлахыг илүүд үзэж байна уу? Магадгүй тэр чамайг сайн мэдэхгүй учраас, юу бичихээ сайтар бодохыг хүсч байгаа юм. Мөн нөгөө талаас түүнд өөр эмэгтэй байж ч мэднэ, гэхдээ хардах хэрэггүй шүү. Мөн тэр чам руу ойр ойрхон мессеж бичиж байвал чамд юу юунаас илүү анзаарагдахыг хүсч байна гэсэн үг. Тэр жаахан хартай бөгөөд, шаардлага тавих нь их байж ч магадгүй. Харин чам руу дөнгөж танилцсаныхаа дараа ч байнга залгаж байвал, тэр чамтай дотно харилцаатай болохоосоо огт айхгүй, чамтай хамт байхдаа итгэлтэй болсон байна гэсэн үг.