Сүүлийн үед “Эгчмэд бүсгүйгээс санхүүгийн тусламж авна” гэсэн зар хаа сайгүй үзэгдэх болов. Ажил хийхгүй арай ч дээ гэж хэлэх бүсгүйчүүд байхад тэдний зарын дагуу танилцдаг бүсгүйчүүд ч байдгийг үгүйсгэж болохгүй. Харин энэ хоёрын дунд эр хүнийг хэн бэ гэдгийг ялгаж чадахгүй алдах, амьдралаараа тоглуулах бүсгүйчүүд олон байдаг. Тэдэнд зориулан энэхүү зөвлөгөөг хүргэе. Мэдээж таны танилцаж байгаа залуугийн нүүрэн дээр “би тийм хүн” гэж бичсэн байна гэж байхгүй.
Тиймдээ ч эрчүүдийг ялгаж танихад хэцүү хэрнээ хамгийн амархан байдаг. Сэтгэл зүйчдийн зөвлөж буйгаар танилцсан залуутайгаа анхааралтай ярилцаж чадваас тухайн хүнээ ямар зантайг дорхноо мэдэж болно.
Нэг. Гадаад дур булаам төрхийн цаана нуугдах бүдүүлэг, хатуу харгис байдал.
Хоёр. Өөрийгөө хэт өргөмжилж дөвийлгөсөн зан.
Гурав. Паразит хэв маягийн амьдрал. (бусдын хүч хөдөлмөрөөр амьдрахыг эрхэмлэх)
Дөрөв. Сэтгэлийн хатгүй.
Тав. Өөртөө тавих хяналт сул дорой нэгэн. Ямагт хурц мэдрэмж төрүүлэх хүчин зүйл шаарддаг.
Зургаа. Худал хэлэх, луйвардах хандлагатай.
Долоо. Эмэгтэйчүүдийг ойр ойрхон “сольдог”. Хэрэв өөрт нь ашигтай бол богино хугацааны гэрлэлт ч зохион байгуулж чадна.
Найм. Эмэгтэй хүнд дасахдаа муу. Өнгөц сэтгэлд автамтгай.
Ес. Бодит байдлаас тасархай, хэзээ ч биелэгдэшгүй зорилго тавьдаг.
Дашрамд дурдахад АНУ-д зан чанарын энэ шинж тэмдгүүдийг шүүхийн практикт өргөн хэрэглэдэг байна. Гэмт хэрэг үйлдэх магадлал өндөртэй, сэтгэл зүйн тогтворгүй этгээд гэж үздэг гэнэ.