Өдгөө 32 настай жүжигчин Меган Фокс шинэ кино төсөл дээр ажиллаж эхэлжээ. Зурагнаас үзвэл тэр хиймэл үс тавьж куртканы дотуураа ногоон цэргийн хувцас өмсөж кроссовер биеийн цүнхтэй байна.Учир юу гэвэл жүжигчин бүсгүй дэлхийн 2-р дайн болон Вьетнамын дайн, Солонгосын дайнуудад сурвалжлагч хийж явсан Пулитцерийн шагналт Америк сэтгүүлч Маргарит Хиггинсийн дүрд тоглож байгаа ажээ.
“Фокс нь өөрийн үүрэг ролийн талаар маш их сэтгэл хангалуун байгаа бөгөөд Хиггинсийн талаар судалж, үзэл баримтлалынх талаар мэдэж авах тал дээр ихэнхи цагийг өнгөрөөж байгаа” гэж Taewon Entertainment-ийн хэвлэлийн төлөөлөгч Variety.com сайтад хэлсэн байна.
Маргарит Хиггинс гэж хэн бэ?
Маргарит Хиггинс нь Дэлхийн 2-р дайн, Солонгосын дайн, Вьетнамын дайн зэрэгт сурвалжлагч хийж явсан дайны сурвалжлагч юм. 1920 оны 9-р сарын 3-нд Хонконгод төрсөн Хиггинсийн эцэг Лоуренс Хиггинс нь Зүүн Ази дахь тээврийн компанид ажилладаг байв. Гэр бүл нь Маргеритийг 3 настай байхад АНУ-д буцаж иржээ.
Хиггинс нь Калифорнийн Их Сургуульд суралцаж, сурагчдын сонин, The Daily Californian дээр ажиллаж байв.
Хиггинс 1941 онд төгссөний дараа тэрээр Колумбын Их Сургуульд шилжиж сэтгүүлчийн мэргэжлээр төгссөн.
Дараа жил нь Хиггинс Нью-Йоркийн Tribune-д редактор болж Лондон, Франц, дараа нь Германд ажиллалаа.
Тэрээр Германд байхдаа олон чухал мэдээллийг хүргэж байснаараа алдаршиж эхэлсэн юм.
Маргарит дайны дараа Нурембергийн дайны туршилтыг нээсэн бөгөөд 1947 онд Берлиний төвийн товчооны ахлах зөвлөхөөр ажиллаж байсан.
1950 онд тэрбээр Өмнөд Солонгос руу илгээгдсэн бөгөөд нийслэл Сөүлд болж байгаа улс төрийн үймээн самуун, Орос, Хятадын дэмжлэгтэйгээр Хойд Солонгосын хэрхэн хүчирхэгжиж байгааг нүдээр харж эх орондоо цаг алдалгүй мэдээлэл хүргэсээр байв. Гэвч түүнийг Токио руу явуулах тушаал ирсэн ч татгалзаж үргэлжлүүлэн Солонгосын дайны эргэн тойрныг ажиглан сурвалжлагаа хүргэсээр байсан хүчирхэг эмэгтэй юм.
Түүний “Солонгос дахь дайн: Маргерит Хиггинсийн фронтын шугамнаас гарсан тайлан” ном нь шилдэг борлуулалттай ном болж 1951 онд тэрээр Пулитцерийн шагнал хүртсэн билээ.
