Фитнесээр дэндүү их хичээллэвэл тухайн эмэгтэй үргүйдэлд хүрэх аюултай гэсэн дүгнэлтэд Норвегийн эрдэмтэд хүрсэн байна. Дасгал, сургуулилтыг ойр ойрхон эрчимтэй хийвэл эмэгтэй хүний жирэмслэхэд шаардлагатай эрчим хүчний нөөц шавхагдах магадлалтай гэж шинжээчид үзжээ.
Судлаачид 3000 эмэгтэйгээс асуулга авсан гэнэ. Тэднээс сүүлийн хоёр жилийн хугацаанд хэр зэрэг дасгал, сургуулилт хийснийг нь асуусан аж. Арван жилийн дараа тэдгээр эмэгтэйчүүдийн жирэмсэлсэн эсэх талаар мэдээллийг дүгнэжээ.
Үүн дээр үндэслэн эрдэмтэд жирэмслэх чадвар болон дасгал, сургуулилт идэвхтэй хийхийн хооронд ямар холбоо байгааг судлав.
Тэгтэл өдөр бүр шахуу спортоор хичээллэж байсан эмэгтэйчүүд үргүйдэлд өртөх магадлал маш өндөр байдаг нь тогтоогдсон байна. Дасгалыг сунаж унатлаа хийдэг хүүхнүүд эрсдэлтэй бүлэгт хамрагджээ.
Бусад айхтар шалтгаан үгүй тохиолдолд фитнес жирэмслэх явцыг 5-10 жилээр хойш татдаг болох нь тогтоогдсон юм.
