Монголын Залуучуудын Холбооны үйл ажиллагаа идэвхжиж олон ажлуудыг хийж байгаагийн нэг нь салбар хороодыг байгуулж байгаа билээ. Харин өчигдөр “Залуучуудын гэр бүлийн хөгжлийг дэмжих хороо” байгуулагдсан байна. Тэргүүлэгчээр нь Улаанбаатар дээд сургуулийн гэр бүл судлалын тэнхимийн эрхлэгч Б. Оюун-Эрдэнэ, дэд тэргүүнээр Нийслэлийн хүүхэд, гэр бүлийн хөгжлийн газрын хүүхэд гэр бүлийн хөгжлийн хэлтсийн дарга О.Есөнтөмөр нар сонгогдсон бол удирдах зөвлөлийн гишүүдээр МЗХ-ны Бодлого Төлөвлөлтийн Газрын дарга С.Болорцэцэг, Хүн амын хөгжил, нийгмийн хамгааллын гэр бүлийн хөгжлийн бодлого зохицуулалтыг хариуцсан мэргэжилтэн С.Уянга, Гэрлэх ёслолын ордны гэр бүл сургалтын багш Д.Оюунгэрэл, “Сэтгэл судлалын үндэсний төв”-ийн сэтгэл судлаач Д.Лхамсүрэн, Хүүхдийн төлөө үндэсний газрын гэр бүлийн асуудал хариуцсан мэргэжилтэн Д.Хишгээ болон зохицуулагчаар Улаанбаатар их сургуулийн гэр бүлд зөвлөгөө өгөх төвийн ажилтан Н.Уянга, нарийн бичгээр МЗХ-ны УХАГ–ын салбар зөвлөл хариуцсан мэргэжилтэн Ц.Цэрэндолгор гэсэн бүрэлдэхүүнтэйгээр үйл ажиллагаагаа эхлүүллээ. “Залуучуудын гэр бүлийн хөгжлийг дэмжих хороо” нь залуу гэр бүлийн хөгжил, боловсрол, тогтвортой байдлыг дэмжиж, нийгмийн үүрэг хариуцлагыг нэмэгдүүлэх зорилготой бөгөөд залуусыг гэрлэлтэнд бэлтгэх, боловсрол олгох хөтөлбөрийг хэрэгжүүлэх, залуу гэр бүлийн хөгжил тогтвортой байдлыг дэмжих, хамгаалах олон нийтийн үйл ажиллагаа, сургалт сурталчилгааны үйл ажиллагааг зохион байгуулах, судалгаа хийх, бодлогын асуудлыг боловсруулж холбогдох газарт уламжлахгэсэн чиглэлээр үйл ажиллагаагаа явуулах юм байна. Цаашид энэхүү хороо нь дэмжигч гишүүдээ бүрдүүлэх ба энэ сарын 24-ны өдөр дахин хуралдаж 2014 оны ажлын төлөвлөгөөгөө хэлэлцэн, хорооны журмыг эцсийн байдлаар батлахаар болжээ.