45 сая малтай, гуравхан сая хүнтэй монгол хавартаа махныхаа асуудлыг шийдэж чадахгүй, улаанбаатарчууд нь зарим үед ус ууж, өвс идэхээ шахдаг. Гадныхан Монголд дөрвөн хөлтэй 45 сая мал, хоёр хөлтэй гурван сая мал байдаг гэж шоолдог нь үнэний хувьтай. Гадаах нь гэртээ ороогүй, гэр дэх нь гэдсэндээ ороогүй баян гэдэг шиг 45 саятай ч махны үнэ нь хаданд гарч, тэгээд олдоц муутай байдаг болохоор хавартаа тахианы махаар аргацаадаг.
Тахианы мах нэг үе тансаг хэрэглээ байсан бол одоо хамгийн хямд үнэтэй нь болохоор өрх бүр худалдан авч гол зоогоо болгодог. Харин зургаан хөлтэй тахианы зураг гарч, хятадаас зөөдөг тахианы махыг идэх дуршил “нет” болов. Америк гэгдэх тахианы махны талаар цуу яриа гарч, хүмүүсийг нэмж айлгав.
Харин энэ үед Монголд “Ажигана” компани тахиа үржүүлж, “ориг” тахианы мах зарж байгаа тухай мэдээ гардаг ч олдоц нь ховор. “Оргио” тахиаг УИХ-ын гишүүн О.Содбилэгийн гэргий Э.Туулын удирддаг компани зардаг бөгөөд баячууд нь дээгүүрээ хувааж аваад, бусад нь сургийг нь сонсоод өнгөрдөг гэнэ.
TOVCHOO.MN